نحمد الله علي وجود هذا الصرح الكبير اذ انه ازال الكثير من الام الاطفال ومعاناة اهاليهم
والان ... جاء دور كل مسلم وكل مسلمه للمساهمه في بناء الفرع الاول للمستشفي بطنطا
تبرع لها ولو بالقليل لانها بالفعل من اجمل مايوجد في مصر .. نعم اجمل مايوجد في مصر الان لانها جمعت الفقير بالغني كلهم سواء
واليكم نبذة عنها
فرع لمستشفى سرطان الاطفال بطنطا .. و مستشفى اورام جديد بكفر الشيخ
مستشفى 57357 .. نموذج لحلم كبير بيجسد ارادة المصريين اللى وقفوا وراه وقدروا يحققوه.. بالجهد والعلم والحب ..
الحملة الاعلامية القوية اللى قدمتها 57357 ماكانش هدفها الوحيد جمع التبرعات .. كان هدفها غرس فكر جديد .. مفهوم جديد للتبرع وعمل الخير .. رؤية مختلفة للعلاج المجانى اللى يحفظ كرامة المريض .. التاكيد على دور المشاركة الاجتماعية مع الحكومة فى مواجهة اكبر واخطرمشاكل المجنمع .. تاكيد فكرة الجودة والعدالة فى الخدمة الطبية .. و اهمية التعليم والتدريب لكل فريق الرعاية الطبية .. و دور البحث العلمى فى تطوير العلاج عشان نرفع نسبة الشفاء .. .. وزيادة الوعى و التوعية بمرض السرطان.. وتشخيصه المبكر.. وازاى نقدر نحمى ولادنا منه
الحملة نجحت .. و بدات بذور الخير والعطاء والنجاح اللى زرعها مستشفى سرطان الاطفال 57357 تنشر ظلالها فى انحاء مصر ..
فى مدينة طنطا مشروع انشاء فرع جديد لمستشفى57357 لعلاج ابناء الغربية والمحافظات المجاورة ..وفى محافظة كفر الشيخ مشروع انشاء مستشفى اورام كفر الشيخ اللى بتتبناه احدى جمعيات الاورام برعاية محافظ كفر الشيخ .. المصريين اللى حققوا باصرارهم وارادتهم حلم مستشفى 57357 .. هيقدروا بنفس الاصرار يحققوا احلام تانية كتير .. هى دى الرسالة اللى بنقدمها فى كل حملاتنا الاعلامية ..
هدفنا يكون عندنا 57357 فى كل محافظة فى مصر .. واننا نقدم كل الدعم والخبرة الطبية والعلمية لجميع المشروعات الجديدة فى مجال سرطان الاطفال.. عشان نقدر نوفر الرعاية الطبية المتكاملة بمنتهى الجودة والعدالة لكل الاطفال المرضى فى كل شبر فى مصر .
موضوع: مستشفي سرطان الاطفال بطنطا 
الأربعاء ديسمبر 16, 2009 12:09 am
