انظروا كيف يخاطب الله من يقرأ سورة الفاتحة

السلام عليكم ورحمه الله وبركاته

هل انت مستعد؟ وهل انتى مستعده؟

هتقولولى مستعدين لإيه ؟ هوا في ايه ؟ هقولكم هل انتم مستعدين للموت ولقاء المالك عز وجل ؟ هل سبق ووقفت قدام المرايه
وسألت نفسك لو مت دلوقتى وبعثت هل انا مستعده لسؤال الملائكه لى فى القبر ؟ هل انت مستعد لمواجهه خالقك عز وجل ؟

االسؤال ده عايزة كل واحد يوجهه لنفسه انا عملت ايه فى دنيتي اقابل بيه خالقى ؟ انتى يا أختى يالى لسه بتشاورى نفسك البس
الحجاب ولا لسه بدري ؟ المفروض انك مسلمه يعنى بمعنى اصح مستسلمه لأوامر الله عز وجل يعنى لو واحد بتحبيه قلك مثلا
اعملى الحاجه الفلانيه هتعمليها ولا لأ ؟ اكيد هتسارعي عشان تعمليها عشان تثبتيله قد ايه بتحبيه
طب مابالك بقى فى اللى وهبك الحياه ونفخ فيكي من روحه ورزقك بنعم لا تعد ولا تحصي ليه لما بيقولك على حاجه بتفكرى ليه؟

هتقوليلي طب اديني لبست الحجاب هقولك لأ حجاب الموضه واليومين دول مش حجاب تلاقى الواحده لا بسه ايشارب صغير بالكاد
مغطي شعرها ولابسه تحت لبس مش هوصفه لأن اكيد كلنا عارفينه وتقولك مانا محجبه لالالالالالالالالالا انتى بتضحكى على نفسك
من شروط الزى الإسلامى انه لا يشف ولا يصف وطبعا كلنا فاهمين معنى ده هل انتى فعلا لبسك كده ؟

اخى العزيز ياللى بتقضي معظم وقتك تسمع موسيقى واغانى هسألك هل انت عارف ان الأغانى حرام ؟ هتقولى ياشيخه حرام ايه
هقولك ايوة حرام بدليل قوله تعالى ( ومن الناس من يشتري لغو الحديث ليضل به عن سبيل الله ) ولو سألت اي شيخ هيقولك حرام
وعلى فكرة كل اغنيه بتسمعها بتبعدك اكتر عن ربنا وعن القران لو ركزت هتلاحظ ده هتلاحظ انك بتسمع اغانى اكتر من القران
مستنى ايه عشان تبطل؟ مستنى الموت يجيلك بغته ومتلحقش تتوب ؟ ارجوك فكر دى الدنيا متستاهلش

دى حاجه بسيطه من اخطاء كتير بنغلطها ممكن عن سهو وممكن عارفين ومكبرين

ها هتستعد امتى للموت وهتستعدى امتى للموت ؟

ممكن اللى عنده افكار او اقتراحات يتفضل يقولها ونساعد بعضنا اننا نبقى احسن ونعلى ببعض لأن هوا ده فعلا الحب فى الله

انا عندى كذا اقتراح بسيط وسهل التنفيذ
اول حاجه
كل يوم نصلي ركعتين بنيه قيام الليل وندعى لبعض بظهر الغيب
تانى حاجه
نواظب على اذكار الصباح والمساء
تالت حاجه
نواظب على الصلاه فى وقتها ودي المفروض تبقى اول حاجه بس انا متأكده ان كتير بيعملها عشان كده اجلتها

اظن دى حاجات بسيطه متاخدش منا وقت بس اهم حاجه نعاهد بعض اننا نستمر عليها ها مين هيعاهدنى على كده وهيستمر
معايا عليها ؟

مستنيه منكم افكار واقتراحات بس اهم حاجه اننا منكتفيش بالكلام لأ ننفذ عملى الكلام حلو قوى بس الفعل صعب

ربنا يقوينا كلنا على طاعته ويردنا لدينه ردا جميلا


--------------------

ان لم يكن بك على غضب فلا ابالى